Nun Demoday, as persoas emprendedoras mostran unha visión xeral do seu negocio, o seu modelo de negocio, o mercado en que se insiren, os fitos alcanzados e os obxectivos futuros. Tamén poden presentar demostracións do seu produto ou servizo e responder preguntas do xurado.
O Demoday é unha oportunidade única para que as persoas emprendedoras dean a coñecer o seu proxecto e obteñan unha retroalimentación valiosa, á vez que poden establecer relacións con outros actores do ecosistema emprendedor. Cada participante dispón de 5 minutos para presentar a súa idea seguido dunha quenda de preguntas.
Nesta sesión cada proxecto realizará un pitch a modo de adestramento e un xurado composto polo equipo do Coworking Dixital os orientarán nos puntos que deben reforzar tanto da presentación, como do proxecto en xeral, de modo que estean o mellor preparados posible para presentar o proxecto ante investidores, financiadores, ou clientes.