Neste obradoiro práctico e presencial realizarase unha presentación da Robótica colaborativa e os seus accesorios, dando unha formación cos seus comandos básicos de programación, e xerando as aplicacións máis comúns: paletizado, Pick&Place, selección de operario, uso do sensor de forza do robot...
Será unha experiencia práctica co robot, buscando que os asistentes poidan realizar exemplos sinxelos das aplicacións anteriores.
Esta sesión será impartida por Aitor Fernández García, Enxeñeiro Superior Industrial, Eléctrico con intensificación en Automática, pola Universidade de Vigo. Actualmente está encargado do soporte técnico e vendas dos robots de Universal Robots e MIR para a zona Noroeste de España e teñe ampla experiencia en servizo ós clientes e soporte técnico para a resolución de incidencias.
Dirixido a:
- Persoas emprendedoras e StartUps.
- Persoas autónomas e profesionais.
- Pemes , micropemes e empresas do territorio.